25.05.2026 | 00:01
Մայիսի 25-ի վաղ առավոտյան ՀՀ ԶՈւ ավիացիան Երևանի կենտրոնում կատարելու է թռիչք․ ՊՆ
Արդարադատության նախարարն ընդունել է ԵԱՏՄ դատարանի նախագահի գլխավորած պատվիրակությանը
Քաղաքականություն
07.07.2017 | 13:50
Հայաստանի Հանրապետության արդարադատության նախարար Դավիթ Հարությունյանն այսօր ընդունել է Եվրասիական տնտեսական միության դատարանի նախագահ Ալեքսանդր Ֆեդորցովի գլխավորած պատվիրակությանը: Վերջինի կազմում էին նաև ԵԱՏՄ դատարանի նախագահի տեղակալ Ժոլիմբետ Բայիշևը, դատավորներ Այժամալ Մուսուրատբեկովնան, Էռնա Հայրիյանը, Արմեն Թումանյանը, Դենիս Կոլոսը և Վեներա Սեյտիմովան:
Ինչպես տեղեկացրին ՀՀ արդարադատության նախարարության տեղեկատվության և հասարակայնության հետ կապերի վարչությունից, Դավիթ Հարությունյանը, ողջունելով հյուրերին, կարևորել է ինտեգրացիոն գործընթացների իրավական ապահովումն ու այդ գործում բարձր գնահատել ԵԱՏՄ դատարանի դերակատարությունը:
Ալեքսանդր Ֆեդորցովն ու պատվիրակության անդամները ներկայացրել են ԵԱՏՄ դատարանի գործառույթներն ու վեճերի քննման ընթացակարգը:
Հանդիպման ընթացքում կողմերը քննարկել են արդարադատության ոլորտում ԵԱՏՄ անդամ պետությունների համագործակցության հնարավորություններն ու առաջնահերթությունները, ինչպես նաև անդրադարձել Միության անդամ-երկրներում ԵԱՏՄ և միջազգային այլ պայմանագրերի կիրառմանը վերաբերող մի շարք հարցերի:
