19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
ՌԴ-ն և Հնդկաստանը համատեղ ռազմածովային զորավարժություններ են անցկացնում
Քաղաքականություն
21.11.2023 | 20:45
Բենգալյան ծոցում ռուս-հնդկական ռազմածովային զորավարժություններ են ընթանում։ Այս մասին հայտնել է ՌԴ Խաղաղօվկիանոսյան նավատորմի մամուլի ծառայությունը։
«Երկու երկրների նավաստիները համատեղ զորավարժություններ են անցկացնում տարբեր կազմավորումների կազմում, վարժանքներ են իրականացնում հակաօդային պաշտպանության և հաղորդակցության ոլորտներում: Գործնականում նախատեսվում է իրականացնել պաշարների համալրում շարժման ընթացքում և տախտակամածային ուղղաթիռների կիրառում»,- ասված է հաղորդագրության մեջ։
Հաղորդվում է, որ ռուսական կողմից զորավարժություններին ներգրավված են խոշոր հակասուզանավային Admiral Tributs նավը և Խաղաղօվկիանոսյան նավատորմի Pechenga միջին ծովային տանկերը, իսկ հնդկական ռազմածովային ուժերից՝ Ranvijay կործանիչը, կորվետ Kilton-ը, ինչպես նաև ինքնաթիռներ և ուղղաթիռներ։
Զորավարժությունների նպատակն է «Ռուսաստանի և Հնդկաստանի միջև ռազմածովային ոլորտում համագործակցության համակողմանի զարգացումն ու ամրապնդումը, գլոբալ սպառնալիքներին համատեղ հակազդելը և Ասիա-խաղաղօվկիանոսյան տարածաշրջանում քաղաքացիական նավագնացության անվտանգությունն ապահովելը»:
Վարժանքները կշարունակվեն մինչև նոյեմբերի 22-ը։
