25.11.2024 | 19:00
Միջուկային պատերազմի կարող է վերածվել ՌԴ-ԱՄՆ հակադրությունը․ ՀՀ-ն վտանգվում է՝ երկուսին էլ ժպտալով․ Արամ Սարգսյան․ ՏԵՍԱՆՅՈՒԹ
Պաշտոնական Բաքուն բողոքում է միջազգային հանրության աջակցության բացակայությունից ու Հայաստանից
Քաղաքականություն
20.11.2023 | 22:57
Ադրբեջանի պաշտպանության և արտաքին գործերի նախարարությունների խոսնակներ Անար Էյվազովն ու Այխան Հաջիզադեն այսօր ճեպազրույց են հրավիրել Բաքվում հավատարմագրված դիվանագետների և ռազմական կցորդների համար։ ՄԱԿ-ի Արդարադատության միջազգային դատարանի՝ արցախցիների ԼՂ վերադարձ ապահովելու անհրաժեշտության մասին որոշման ֆոնին գերատեսչությունների խոսնակները կրկին փորձել են ուժի կիրառումը ներկայացնել որպես նորմալ գործողություն։
«Ադրբեջանը միջազգային գործընկերներից պատասխաններ չի ստանում 2020 թվականի 44-օրյա պատերազմից հետո իր առջև ծառացած խնդիրների վերաբերյալ»,- հայտարարել է Հաջիզադեն՝ հավելելով, թե «ավելի քան 30 տարի Հայաստանը ոչ միայն օկուպացրել է Ադրբեջանի տարածքները, այլև զինտեխնիկա ու ականներ է տեղակայել, ինչն այսօր էլ հանգեցնում է մարդկանց մահվան»։
Անար Էյվազովն իր հերթին հայտարարել է, թե «Ադրբեջանը շարունակում է միջազգային կազմակերպությունների ուշադրությունը հրավիրել Հայաստանին զենքի մատակարարումների վրա»։
Հավելենք, որ ՄԱԿ-ի Արդարադատության միջազգային դատարանն արդեն երկու անգամ մերժել է ականների և զենքի տեղափոխման հետ կապված միջոց կիրառելու մասին Հայաստանի դեմ Բաքվի անհիմն բողոքները։ Ադրբեջանը դատարանին այդպես էլ չի կարողացել իր բողոքների հետ կապված ապացույցներ ներկայացնել։
Էմմա Չոբանյան
