15.01.2026 | 12:36
Նոր պատվաստանյութեր ենք ներդրել վերջին տարիներին. Ավանեսյան․ ՏԵՍԱՆՅՈՒԹ
Նապոլեոնի գլխարկն աճուրդում վաճառվել է շուրջ 2 մլն եվրոյով
Քաղաքականություն
20.11.2023 | 23:30
Ֆրանսիայի կայսր Նապոլեոն Բոնապարտի կրած հայտնի սև գլխարկներից մեկը Ֆոնտենբլոյում տեղի ունեցած աճուրդում վաճառվել է ռեկորդային 1 մլն 932 հազար եվրոյով, հաղորդում է Euronews-ը։
Գլխարկը թվագրվում է 1810-ական թվականով։ Աճուրդի տան կայքում հրապարակված տեղեկատվության համաձայն՝ ցուցանմուշն ի սկզբանե գնահատվել է 600-800 հազար եվրո։
Սպիտակ, կապույտ և կարմիր կոկադեով զարդարված ֆետրե գլխարկը դարձել է Ժան Լուի Նուազեի հավաքածուի՝ Նապոլեոնյան հուշանվերների վաճառքի աստղը: Ֆրանսիացի արդյունաբերողը, որը մահացել է անցյալ տարի, այս հավաքածուն հավաքել է ավելի քան կես դար։
Աճուրդում ընդգրկված մյուս բացառիկ իրերը ներառել են արծաթե ափսեն, որը գողացվել է Նապոլեոնի կառքից 1815 թվականին Վաթերլոուի ճակատամարտում նրա պարտությունից հետո, և կայսեր սեղանը՝ ածելիներով, արծաթե ատամի խոզանակով, մկրատով և այլ անձնական իրերով։
Էմմա Չոբանյան
