08.04.2026 | 01:11
Խարբերդի ամառանոցներից դեպի Նուբարաշեն ավտոճանապարհին 5 մեքենա է բախվել. 3 անձ հոսպիտալացվել է
ԱՄՆ-ի և ԵՄ-ի կոշտ զգուշացումն Ալիևին՝ ի՞նչ կփոխի․ ՀՀ-Արևմուտք մերձեցումը մինչև ո՞ւր կհասնի․ ԲԱՆԱՎԵՃ
Քաղաքականություն
17.11.2023 | 21:02
ԱՄՆ-ն ու ԵՄ-ն կոշտացնում են քաղաքականությունն արևմտյան ձևաչափերում բանակցությունները ձախողած Ադրբեջանի նկատմամբ։ ԱՄՆ-ը կսպասի ևս մի քանի շաբաթ, որպեսզի Ադրբեջանը կողմնորոշվի՝ մասնակցո՞ւմ է արևմտյան ձևաչափով բանակցությանը, թե՞ ոչ։ ՀՀ-ն հայտարարել է, որ պատրաստ է մասնակցել արևմտյան ֆորմատով ցանկացած բանակցության։
Կոնգրեսի արտաքին հարաբերությունների հանձնաժողովում պետքարտուղարի օգնական Ջեյմս Օ՛Բրայենը նաև պնդեց․ «Մենք փորձում ենք ճանապարհ հարթել, որը հստակ ցույց է տալիս՝ ինչ առավելություններ կլինեն խաղաղության գնալիս, և թե ինչ գին պետք կլինի վճարել դրանից խուսափելու դեպքում»։
Պատժամիջոցնե՞ր, Հայաստանին ռազմական և անվտանգային մեծածավալ աջակցությո՞ւն, ո՞րն է ԱՄՆ-ի ակնարկած գինը, որ Ադրբեջանը կվճարի՝ բանակցությունից խուսափելու դեպքում։
Եվրամիության խոսնակն այսօր ասաց՝ ԵՄ-ն շատ հստակ պահանջում է, որ Լեռնային Ղարաբաղի ժողովուրդն ապահով վերադարձի երաշխիքներ ունենա։ Նրանց ունեցվածքը չի կարող բռնագրավվել ուրիշի կողմից: Պետք է երաշխիքներ լինեն այդ մարդկանց անվտանգ վերադարձի համար, եթե նրանք որոշեն վերադառնալ։ ԵՄ-ն շարունակում է պահանջել միջազգային մուտք և միջազգային ներկայություն Լեռնային Ղարաբաղում՝ որպես ժողովրդի համար այս երաշխիքների մաս։ Մինչդեռ, Ադրբեջանը հրաժարվեց բանակցություններից Վաշինգտոնում։
Ի՞նչ է տեղի ունենում։ Factor TV-ի հրավիրած քննարկմանը մասնակցում են «Դեմոկրատական այլընտրանք» կուսակցության ղեկավար, քաղաքագետ Սուրեն Սուրենյանցը, ԱԺԲ խորհրդի անդամ, դիվանագետ Արա Պապյանը, «Հանրապետություն» կուսակցության ներկայացուցիչ Անահիտ Ադամյանը, քաղաքական վերլուծաբան Արմեն Հովհաննիսյանը, Անվտանգային քաղաքականության հետազոտական կենտրոնի փորձագետ, քաղաքագետ Ռոբերտ Ղևոնդյանը։
Մանրամասները՝ տեսանյութում։
