08.04.2026 | 01:11
Խարբերդի ամառանոցներից դեպի Նուբարաշեն ավտոճանապարհին 5 մեքենա է բախվել. 3 անձ հոսպիտալացվել է
Ադրբեջանը հայտնել է զինծառայողների կորստի մասին
Քաղաքականություն
16.11.2023 | 23:02
Ադրբեջանը հայտնել է զինծառայողի մահվան հերթական դեպքի մասին։ Մասնավորապես, Պետական սահմանապահ ծառայությունը նշում է, որ մահացել է սահմանապահ զորքերի զինծառայող Միրհուսեյն Սալմանլին, որը բուժում էր անցնում Մասալիի կենտրոնական շրջանային հոսպիտալում։
Ըստ մամուլում տարածվող տեղեկությունների՝ նա հիվանդանոց է տեղափոխվել բարձր ջերմությամբ։ Մահվան ստույգ պատճառները պարզվում են։ Սալմանլին զինվորական ծառայության է անցել հոկտեմբերի 2-ին, իսկ երդման արարողությունը պետք է տեղի ունենար նոյեմբերի 18-ին։
Այսօր ավելի վաղ հայտնի էր դարձել նաև, որ Մասալի շրջանի Տատյանոբա գյուղում ինքնասպան է եղել Արցախյան 44-օրյա պատերազմի մասնակից Էմիլ Իսաևը՝ ծառից կախվելու միջոցով։ Ըստ տեղեկությունների՝ պատճառն առողջական ու սոցիալական խնդիրներն են։
Նշվում է, որ Էմիլ Իսաևը վիրավորվել է պատերազմի ժամանակ «Գրադ» արկի պայթյունի հետևանքով։ Պատերազմից հետո Էմիլը շարունակական բուժում է ստացել, սակայն ծնողների հաշվին, պետությունը չի օգնել։
Հավելենք, որ Արցախյան 44-օրյա պատերազմի մասնակից շուրջ հինգ տասնյակ ադրբեջանցիներ ինքնասպան են եղել՝ հիմնականում կախվելու և ինքնահրկիզման միջոցով։ Հինգ տասնյակից ավելին էլ ինքնասպանության փորձ է արել։
Էմմա Չոբանյան
