27.06.2026 | 01:34
5.5 մլրդ դոլար. աշխարհի ամենաթանկ ստադիոնում ԱՄՆ-Թուրքիա հանդիպման ետնաբեմը Factor TV-ի թղթակցի աչքերով
«Մարտի 1»-ի գործը պետք չէ քաղաքականացնել. Միքայել Մելքումյան. ՏԵՍԱՆՅՈՒԹ
Քաղաքականություն
27.07.2018 | 15:14
Միքայել Մեքլումյանը չի քաղաքականացնի Ռոբերտ Քոչարյանի հանդեպ քրեական հետապնդումը։ Ըստ նրա, «Մարտի 1»-ի բացահայտման գործով ընթանում են իրավական գործընթացներ։
«Մեկ բան կարող եմ ասել՝ որ մեր հանրապետությունում բոլորը օրենքի առաջ հավասար պետք է լինեն, արտոնություններ չպետք է լինեն»,- այսօր ԱԺ-ում լրագրողներին ասաց «Ծառուկյան» խմբակցության անդամը։
Ինքը մտահոգ է Ռոբերտ Քոչարյանի հանդեպ քրեական հետապնդումով, բայց կմտահոգվեր, եթե քրեական հետապնդում իրականացվեր նաև մյուս երկու նախագահների հանդեպ։ «Որևէ մեկը չի կարող հաճույք զգալ դրանից, որ ինչ-որ բաներ են կատարվում, որովհետև չէ՞ որ 10 տարի յուրաքանչյուր նախագահի դեպքում երկիրը կառավարվել է և էդ կառավարման բովանդակությունը, ոճը հետևանք է ունեցել յուրաքանչյուր ընտանիքի համար»,- վստահեցրեց ԱԺ փոխնախագահը։
Նա հիմա սպասում է նախաքննության ավարտին, որն ըստ նրա արագ տեղի կունենա։ Պատգամավորը վախ չունի, որ «Մարտի 1»-ի քննությունը կշոշափի նաև ԲՀԿ-ին, որն այդ օրերին կոալիցիայի մեջ էր Հանրապետական իշխանության հետ։
