13.12.2024 | 21:28
Հայաստանը նպատակ ունի վերակառուցել տարածաշրջանում համագործակցությունը. ԱԳՆ գլխավոր քարտուղար
Թուրքիան Նեթանյահուի դեմ հայց է ներկայացրել Միջազգային քրեական դատարան․ նրան մեղադրում են Գազայում ցեղասպանության մեջ
Քաղաքականություն
14.11.2023 | 21:38
Թուրքիայի իշխող «Արդարություն և զարգացում» կուսակցության փաստաբանները Իսրայելի վարչապետ Բենյամին Նեթանյահուի դեմ հայց են ներկայացրել Միջազգային քրեական դատարան՝ Գազայի հատվածում ցեղասպանություն իրականացնելու մեղադրանքով: NEWS.ru-ի փոխանցմամբ՝ այս մասին հայտնել է իրավաբան Մեթին Քյուլյունքը X-ի իր միկրոբլոգում գրառմամբ։
«Ներկայացնելով Թուրքիայի Հանրապետության քաղաքացիների խիղճը՝ այսօր մենք հայց ենք ներկայացրել Հաագայի Միջազգային քրեական դատարան ընդդեմ 21-րդ դարի Հիտլեր Իսրայելի վարչապետ Նեթանյահուի, որը պետք է կանգնի դատարանի առաջ Գազայի հատվածում իրականացրած ցեղասպանության և մարդկության դեմ բոլոր հանցագործությունների համար,- գրել է նա։
Որպես ապացույց՝ Քյուլյունքը հրապարակել է հայցի առաջին էջը։
Թուրքիայի նախագահ Ռեջեփ Թայիփ Էրդողանը նոյեմբերի 11-ին Իսլամական համագործակցության կազմակերպության և Արաբական պետությունների լիգայի գագաթնաժողովում հայտարարել էր, որ Իսրայելն իրեն պահում է «Արևմուտքի քմահաճ երեխայի պես» և պետք է փոխհատուցի անկլավին հասցված վնասը: Նա ԻՀԿ-ին կոչ է արել հիմնադրամ ստեղծել Գազայի հատվածի վերականգնման համար և հայտարարել, որ Անկարան պատրաստ է ցանկացած աջակցություն ցուցաբերել այդ նախաձեռնությանը:
