23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Ադրբեջանի փոխվարչապետն ու Բաքվում Իրանի դեսպանը համատեղ էներգետիկ ու տրանսպորտային նախագծերի հարցեր են քննարկել
Քաղաքականություն
14.11.2023 | 16:44
Ադրբեջանի փոխվարչապետ Շահին Մուստաֆաևն այսօր ընդունել է Բաքվում Իրանի դեսպան Սեիդ Աբբաս Մուսավիին։ Իրանի դեսպանատան հաղորդագրության համաձայն՝ զրույցի ընթացքում դիտարկվել են երկկողմ հարաբերությունների օրակարգային հարցեր՝ նոյեմբերի 9-ին Տաշքենդում երկու երկրների ղեկավարներ Իլհամ Ալիևի և Էբրահիմ Ռաիսիի քննարկումների լույսի ներքո, գրում են ադրբեջանական լրատվամիջոցները։
Բացի այդ, քննարկվել են ընդհանուր առմամբ երկու երկրների համագործակցության, էներգետիկ և տրանսպորտային համատեղ նախագծերի հարցեր։
Մուստաֆաևը, ի դեպ, նաև գլխավորում է տնտեսական համագործակցության երկկողմ հանձնաժողովը։
Հիշեցնենք, որ Ռաիսիի և Ալիևի հանդիպումը տեղի էր ունեցել Տաշքենդում Տնտեսական համագործակցության կազմակերպության գագաթնաժողովի շրջանակում։
Էմմա Չոբանյան
