05.06.2026 | 10:10
Կիբեռանվտանգության հարցերը՝ RISE 2026-ի քննարկման առանցքում
ԵՄ ԱԳ նախարարները հավանություն են տվել Հայաստանում տեղակայված դիտորդական առաքելությունն ընդլայնելուն․ ՏԵՍԱՆՅՈՒԹ
Քաղաքականություն
13.11.2023 | 21:49
Եվրամիության անդամ երկրների արտգործնախարարները հավանություն են տվել Հայաստանում տեղակայված ԵՄ քաղաքացիական դիտորդական առաքելությունն ընդլայնելուն։ Այս մասին Բրյուսելում հայտարարել է ԵՄ անվտանգության և արտաքին քաղաքականության հարցերով բարձր ներկայացուցիչ Ջոզեպ Բորելը։
«Մենք որոշել ենք ամրապնդել առաքելությունը Հայաստանում՝ ավելացնելով ծառայողների և պարեկների թիվը ամենախոցելի սահմանային շրջաններում։ Եվ մենք կդիտարկենք Հայաստանին հնարավոր աջակցությունը Խաղաղության եվրոպական հիմնադրամի շրջանակում, ինչպես նաև Հայաստանի համար վիզային ռեժիմի ազատականացումը»,- ասել է Բորելը։
Անդրադառնալով տարածաշրջանային կայունության թեմային՝ եվրոպացի պաշտոնյան ընդգծել է, որ «պետք է շատ զգոն լինենք Հայաստանում իրավիճակն ապակայունացնելու ցանկացած փորձի դեմ»։
