06.09.2026 | 11:51
Վթարային ջրանջատում Արարատում և Գեղարքունիքում
Ռոբերտ Քոչարյանը դատարանում է
Հասարակություն
27.07.2018 | 11:21
Քիչ առաջ հայտնի դարձավ, որ ՀՀ պաշտոնաթող նախագահ Ռոբերտ Քոչարյանը ժամանել է Շենգավիթի ընդհանուր իրավասության առաջին ատյանի դատարան, որտեղ ընթանում է նրան կալանավորելու գործով դատական նիստը։
Նա դատարանի շենք է մուտք գործել հետնամուտքից, և ինչպես երեկ՝ ՀՔԾ մտնելիս, այսօր էլ լրագրողները չեն կարողացել ֆիքսել դատարան մտնող երկրորդ նախագահին։
Հիշեցնենք, որ երեկ ուշ գիշերը մեկնարկել էր Ռ․ Քոչարյանին կալանավորելու միջնորդության գործով դատական նիստը, որը, սակայն, չէր ավարտվել, քանի որ, ինչպես նշել էր Քոչարյանի փաստաբաններից Ռուբեն Սահակյանը, ՀՀ երկրորդ նախագահը պատշաճ ծանուցված չէր եղել։
Դատական նիստն այժմ ընթանում է, Factor. am-ի նկարահանող խումբը ուղիղ հեռարձակմամբ հերթապահում է դատարանի շենքի առջև։
