08.04.2026 | 01:11
Խարբերդի ամառանոցներից դեպի Նուբարաշեն ավտոճանապարհին 5 մեքենա է բախվել. 3 անձ հոսպիտալացվել է
Ստամբուլում հունական ուղղափառ եկեղեցին և ավագ դպրոցը վանդալիզմի են ենթարկվել
Քաղաքականություն
10.11.2023 | 22:17
Վանդալները քարեր են նետել և ատելություն պարունակող հաղորդագրություններով ներկել Ստամբուլի հունական Panagia Muhliotissa եկեղեցու և Fener հունական ավագ դպրոցի պատերին, գրում է Turkish Minute-ը։
Քանի որ Իսրայելի հարձակումների ինտենսիվությունը պաղեստինյան Գազայի վրա աճում է, Թուրքիայում փոքրամասնությունների համայնքներն ավելի ու ավելի հաճախ են դառնում ռասիստական հարձակումների թիրախ՝ երկրում աճող հակաիսրայելական տրամադրությունների հետևանքով:
Հարձակվողները, որոնց ինքնությունը դեռևս չի բացահայտվել, հակաիսրայելական ատելություն քարոզող հաղորդագրություններ են գրել Ֆաթիհ թաղամասի հունական դպրոցի և եկեղեցու պատերին՝ «Անիծյալ Իսրայելը» և «Երուսաղեմը Պաղեստինի մայրաքաղաքն է»:
Հունական Մարիամ Աստվածածին ուղղափառ եկեղեցու հիմնադրամը հայտարարություն է տարածել՝ ցավ հայտնելով հարձակման կապակցությամբ։
«Այս հարձակման թիրախը ոչ միայն պաշտամունքի վայրն ու դպրոցն էին, այլև այնտեղ ապրող մարդկանց վրա ազդելը։ Հուսով ենք, որ նման դեպքերը չեն կրկնվի»,- ասվում է հաղորդագրության մեջ։
Էմմա Չոբանյան
