23.11.2024 | 00:35
Թրամփի հետ հեռախոսազրույցը տեղեկատվական էր, բայց նաև շատ պոզիտիվ. Փաշինյան. ՏԵՍԱՆՅՈՒԹ
Միրզոյանն անդրադարձել է Մեծ յոթնյակի երկրների ընդունած բանաձևին
Քաղաքականություն
08.11.2023 | 22:50
ՀՀ ԱԳ նախարար Արարատ Միրզոյանը X-ի իր միկրոբլոգում անդրադարձել է Մեծ յոթնյակի (G7) երկրների ընդունած բանաձևին։
«Ողջունելով G7-ի հայտարարությունը ՝ մենք ընդգծում ենք, որ միջազգային վճռական քայլերը և ներգրավված բոլոր կողմերի հստակ հրապարակային ստանձնած պարտավորությունները առաջնային նշանակություն ունեն Գրանադայի հայտարարության համաձայն Հայաստանի և Ադրբեջանի միջև հարաբերությունների կարգավորման և Լեռնային Ղարաբաղից բռնի տեղահանված հայերի կարիքների բավարարման համար: Հայաստանն ունի նման պարտավորություն»,- ասված է գրառման մեջ։
Մեծ յոթնյակի (G7) երկրների ԱԳ նախարարները Ճապոնիայում տեղի ունեցած գագաթնաժողովից հետո ընդունված համատեղ հայտարարության մեջ անդրադարձել են Արցախի դեմ սեպտեմբերի 19-ին Ադրբեջանի ռազմական ագրեսիային և դրան հետևած Արցախի հայերի բռնի տեղահանմանն ու էթնիկ զտմանը։
«Մենք լրջորեն անհանգստացած ենք Ադրբեջանի կողմից իրականացված ռազմական գործողությունից հետո Լեռնային Ղարաբաղից հայերի տեղահանման մարդասիրական հետևանքներով։ Մենք կոչ ենք անում Ադրբեջանին ամբողջությամբ կատարել միջազգային մարդասիրական իրավունքով ստանձնած պարտավորությունները և ողջունում ենք միջազգային ջանքերը՝ ուղղված տեղահանվածների հրատապ հումանիտար կարիքների լուծմանը»,- ասվում է հայտարարության մեջ։
