18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Գերմանական Պոտսդամը քարտեզներից ջնջում է «Էնվեր փաշա կամուրջ» անվանումը
Քաղաքականություն
08.11.2023 | 14:48
Գերմանական Պոտսդամը «Էնվեր փաշա կամուրջ» անվանումը պաշտոնապես ջնջել է իր քարտեզներից և գրառումներից՝ ազդարարելով զգալի քայլ Հայոց ցեղասպանության հետ առնչություն ունեցող օսմանյան փաշայի հետ կապը մերժելու ուղղությամբ, գրում է Gercek news-ը։
Մասնավորապես, նշվում է, որ քաղաքը պաշտոնապես հանել է անվանումը փողոցային տեղեկատուից։
Կամուրջն ինքնին ավերվել է, մինչ օրս պահպանվել են միայն դրա մնացորդները։ Այն պայթեցվել է Վերմախտի զինվորների կողմից 1945 թվականի ապրիլին, բայց դեռ ցուցադրված է քարտեզների վրա, թեև այս պահին միայն երկու պողպատե գլաններ են անցնում ջրի վրայով՝ այդպիսով ապահովելով մատակարարման գծերը:
Կամրջի անվանումը ջնջելու որոշումը նախաձեռնվել է՝ ի պատասխան Sozial.Die Linke խորհրդարանական խմբի դիմումի, որը երկար ժամանակ հանդես է եկել Պոտսդամի սահմաններում գտնվող պատերազմական հանցագործներին հարգանքից զրկելու օգտին:
Հայոց ցեղասպանության իրագործման առանցքային դեմքերից Էնվեր փաշայի Պոտսդամի հետ այն է, որ նա ժամանակավոր ապաստան է գտել քաղաքում 1918 թվականին՝ գահընկեց արվելուց և գերմանական սուզանավով փախչելուց հետո։
Էմմա Չոբանյան
