Քաղաքականություն
06.11.2023 | 19:05
Ադրբեջանի ԱԳ նախարար Ջեյհուն Բայրամովը Բուխարեստում Ռումինիայի արտգործնախարար Լումինիկա Օդոբեսկուի հետ հանդիպման ժամանակ կրկին բողոքել է Հայաստանից, միաժամանակ, փորձել արդարացնել Արցախում իրականացված էթնիկ զտումն ու ագրեսիան։ Նա նշել է, թե «չնայած Ադրբեջանի կողմից Հայաստանի հետ հարաբերությունները կարգավորելու խաղաղության օրակարգի առաջմղմանը՝ Հայաստանի կողմից Բաքվի դեմ շարունակվող զրպարտչական արշավը չի ծառայում խաղաղությանը»։
Ադրբեջանի ԱԳ նախարարը հայտարարել է, թե «Հայաստանից ակնկալում են կառուցողական մոտեցում և փոխադարձ քայլեր»՝ հավելելով, որ «Ադրբեջանը հավատարիմ է Հայաստանի հետ խաղաղությանը և հույս հայտնել, որ հարաբերությունները կարգավորելու «եզակի հնարավորությունը» բաց չի թողնվի»։
Բայրամովի այս հայտարարությունների ֆոնին հիշեցնենք, որ հոկտեմբերին պաշտոնական Բաքուն երկու անգամ հրաժարվել է Հայաստանի հետ բանակցություններից բրյուսելյան հարթակում։
Էմմա Չոբանյան
