15.01.2026 | 21:54
Մինեապոլիսում ներգաղթի աշխատակիցը կրակել է վենեսուելացի ներգաղթյալի ոտքին
Ո՛չ ԵՄ-ն, ո՛չ ՆԱՏՕ-ն Վրաստանից չեն պահանջում Ռուսաստանի դեմ պատժամիջոցներ կիրառել. Պապուաշվիլի
Քաղաքականություն
06.11.2023 | 19:40
Ո՛չ Եվրամիությունը, ո՛չ ՆԱՏՕ-ն Վրաստանից չեն պահանջում Ռուսաստանի դեմ պատժամիջոցներ կիրառել։ Այս մասին հայտարարել է Վրաստանի խորհրդարանի նախագահ Շալվա Պապուաշվիլին, գրում է Գրուզիա օնլայնը։
«Պատժամիջոցները բացարձակ աբսուրդ են, Եվրամիությունը Վրաստանից չի պահանջում պատժամիջոցներ կիրառել Ռուսաստանի դեմ։ Եթե դա պահանջեր, ապա դրան զուգահեռ՝ պետք է մեզ ռազմական և տնտեսական անվտանգության երաշխիքներ տար»,- ասել է Վրաստանի խորհրդարանի նախագահը։
Ըստ նրա՝ բոլորը հասկանում են, որ Ռուսաստանի դեմ երկկողմ պատժամիջոցների սահմանումը Վրաստանի համար տնտեսական աղետ է նշանակում։
«Մոտավոր հաշվարկներով՝ եթե մենք պատժամիջոցներ սահմանենք, ապա տնտեսական անկումը կկազմի մինուս 10 տոկոս։ Երկրորդ՝ սա նշանակում է Ռուսաստանի հետ ուղղակի, անուղղակիորեն ռազմական առճակատման վտանգ՝ այլ խմբավորումների կիրառմամբ և այլն։ Այսինքն՝ սա նշանակում է երկիրը ռազմատնտեսական կոլապսի մեջ գցել։ Վրաստանից ոչ մի պատասխանատու երկիր կամ կազմակերպություն դա չի պահանջել, քանի որ այս դեպքում ուղղակիորեն պետք է ապահովեին տնտեսական և ռազմական անվտանգության երաշխիքներ»,- ասել է Պապուաշվիլին։
