03.08.2026 | 23:30
Տաթև-Լծեն ավտոճանապարհին բեռնատարը դուրս է եկել երթևեկելի հատվածից և բախվել հողաթմբին
Գագիկ Ծառուկյանն անուններ է տալիս․ ովքե՞ր են Երևանի քաղաքապետի հավանական թեկնածուները․ ՏԵՍԱՆՅՈՒԹ
Քաղաքականություն
26.07.2018 | 15:21
Կոտայքի մարզի Մայակովսկի համայնքում այսօր տեղի ունեցավ Սուրբ Գևորգ եկեղեցու բացման արարողությունը, որին մասնակցում էին ԱԺ «Ծառուկյան» խմբակցության ղեկավար Գագիկ Ծառուկյանը, Աբովյանի քաղաքապետ Վահագն Գևորգյանն ու բազմաթիվ քաղաքացիներ։
Եկեղեցու բացման արարողությունից հետո Factor.am-ը Գագիկ Ծառուկյանից հետաքրքրվեց՝ ինչպես է վերջինիս քաղաքական թիմը պատրաստվում Երևանի ավագանու ընտրություններին։ «Իհարկե՛ մասնակցելու ենք, քննարկում ենք, տեսնենք, բայց մենք պետք է խորհրդի նիստ հրավիրենք, որի ավարտից հետո նոր կհայտարարենք»,- ասաց նա։
Հարցին՝ ովքե՞ր են «Ծառուկյան» խմբակցությունից Երևանի քաղաքապետի հավանական թեկնածուները, պատասխանեց․ «Էնտեղ կա Արարատ Զուրաբյան, Նաիրա Զոհրաբյան, Տիգրան Ուրիխանյան, Վաֆե Էնֆիաջյան, Պետրոսյան Գևորգ և այդպես տասնյակ կա։ Մենք պետք է ընտրենք, խորհուրդը որոշում կկայացնի և կհայտնենք բոլորիդ»։
Գագիկ Ծառուկյանից փորձեցինք հետաքրքրվել վերջինիս տեսակետը նաև Ռոբերտ Քոչարյանի՝ այսօր կայանալիք հարցաքննության վերաբերյալ։ ԱԺ «Ծառուկյան» խմբակցության ղեկավարը, սակայն, մեր հարցն անպատասխան թողեց և հեռացավ։
Մանրամասները՝ տեսանյութում։
