30.04.2026 | 12:34
NYMEX. Թանկարժեք մետաղների գները նվազել են
Ալիևը շարունակում է արդարացնել Արցախում էթնիկ զտումը
Քաղաքականություն
03.11.2023 | 15:35
Ադրբեջանի նախագահ Իլհամ Ալիևը Աստանայում Թուրքական պետությունների կազմակերպության 10-րդ գագաթնաժողովի ժամանակ իր ելույթում հերթական անգամ փորձել է արդարացնել Արցախի դեմ սեպտեմբերի 19-ին իրականացված ռազմական հարձակումն ու էթնիկ զտումը։
«Հակաահաբեկչական միջոցառումների արդյունքում քաղաքացիական անձանց կամ քաղաքացիական ենթակառուցվածքներին վնաս չի հասցվել։ Ադրբեջանը գործել է միջազգային մարդասիրական իրավունքին լիովին համապատասխան. այս փաստերը հաստատել են ՄԱԿ-ի ներկայացուցիչները»,- ասել է Ալիևը։
Հավելենք, որ Հայաստանի քննչական կոմիտեի հաղորդմամբ ադրբեջանական ագրեսիայի հետևանքով՝ ԼՂում զոհվել է 200-ից ավելի զինծառայող ու քաղաքացիական անձ, շուրջ 12 քաղաքացիական անձ և 30 զինծառայող համարվում է անհետ կորած: Առկա են առնվազն 14 անձի խոշտանգման ենթարկելու դեպքեր, որոնցից 12-ը զինծառայող են, 2-ը՝ քաղաքացիական անձ։ Ռազմական գործողությունների հետևանքով սպանվել է 3 երեխա, տարբեր աստիճանի մարմնական վնասվածքներ է ստացել 231 զինծառայող և 80 քաղաքացիական անձ: Արցախից բռնի տեղահանման ընթացքում էլ ճանապահին մահացել է 64 մարդ։
Էմմա Չոբանյան
