27.06.2026 | 01:34
5.5 մլրդ դոլար. աշխարհի ամենաթանկ ստադիոնում ԱՄՆ-Թուրքիա հանդիպման ետնաբեմը Factor TV-ի թղթակցի աչքերով
«Հըզբոլլահը» պնդում է, թե Իսրայելի անօդաչու է խոցել Լիբանանի հարավում
Քաղաքականություն
02.11.2023 | 14:53
Լիբանանյան «Հըզբոլլահ» խմբավորումը պնդում է, որ իսրայելական անօդաչու թռչող սարք է խոցել հարավային Լիբանանում՝ գրեթե ամենօրյա անդրսահմանային փոխհրաձգության ֆոնին, ինչը Մերձավոր Արևելքում ավելի լայն հակամարտության մտավախություն է առաջացրել, գրում է CNN-ը։
Խմբավորումը նշում է, թե անօդաչու թռչող սարքին «ուղղակիորեն» հարվածել է «երկիր-օդ» հրթիռով, երբ այն թռչում էր սահմանամերձ Ալ-Մալիքիա և Հունին գյուղերի միջև։
Իսրայելի պաշտպանության բանակն ընդունել է «Հըզբոլլահի» կողմից հրթիռի արձակումը, սակայն հերքել է, որ իր անօդաչու թռչող սարքին որևէ վնաս է հասցվել: Հայտարարության մեջ Իսրայելի պաշտպանության բանակը նշում է, որ «հարվածել է հրթիռն արձակած ահաբեկչական բջիջին և արձակման վայրին»:
Ասվում է նաև, որ Լիբանանից Իսրայելի հյուսիս «արձակումների թիվը» նույնպես եղել է բաց տարածքներում։ Իսրայելի պաշտպանության բանակի հրետանին «պատասխանել է՝ հարվածներ հասցնելով արձակման աղբյուրին»։
Էմմա Չոբանյան
