23.07.2026 | 23:28
Կապանը` ԱՊՀ 2026 թվականի երիտասարդական մայրաքաղաք
ՀԲ-ն նախազգուշացրել է նավթի գների հնարավոր աճի մասին՝ Մերձավոր Արևելքում հակամարտության հետ կապված
Քաղաքականություն
02.11.2023 | 22:52
Ըստ Համաշխարհային բանկի՝ նավթի գները կարող են հայտնվել «անծանոթ ջրերում», եթե Իսրայելի և ՀԱՄԱՍ-ի միջև բռնության մակարդակը բարձրանա, փոխանցում է VOA-ն։
«Ապրանքային շուկաների հեռանկարներ» զեկույցում ՀԲ-ն նշել է, որ եթե հակամարտությունը չընդլայնվի, դրա ազդեցությունը նավթի գների վրա սահմանափակ կլինի: Այնուամենայնիվ, փաստաթղթում նշվում է, որ «եթե հակամարտությունը սրվի, ապրանքների գների հեռանկարը արագորեն կվատթարանա»:
Նավթի շուկային երկակի սպառնալիք կա՝ Ռուսաստանի շարունակական ներխուժումը Ուկրաինա և հակամարտությունը Մերձավոր Արևելքում:
Համաշխարհային բանկի տնտեսագետները հայտարարել են, որ նավթի գների կտրուկ փոփոխությունները կարող են բարձրացնել պարենային ապրանքների գները այն տարածաշրջաններում, որտեղ արդեն իսկ պարենային անապահովություն կա:
