07.09.2026 | 18:33
Վճռաբեկը հրապարակեց որոշումը․ Կաթողիկոսի և 6 եպիսկոպոսների գործը կրկին ուղարկվեց Արմավիրի մարզի ընդհանուր իրավասության դատարան
Կառավարությունը կհետևի՝ ինչպես են մարզերը ծախսելու հատկացված 10 մլրդ դրամը
Քաղաքականություն
26.07.2018 | 11:54
Կառավարության հուլիսի 26-ի նիստում քննարկվեց ՀՀ Շիրակի, Տավուշի, Կոտայքի, Գեղարքունիքի, Լոռու, Արմավիրի մարզպետարաններին գումար հատկացնելու հարցը, որի նպատակն է նպաստել այդ մարզերի տնտեսության զարգացմանը։
Համապատասխան որոշումը գործադիրի համաձայնությանը ներկայացրեց տարածքային կառավարման և զարգացման նախարար Սուրեն Պապիկյանը։
Վարչապետ Նիկոլ Փաշինյանը նկատեց, որ ստացվել է մի իրավիճակ, որ 10 մլրդ դրամ է Կառավարությունը հատկացնում այն մարզերին, որոնք չունեն համապատասխան ծրագրեր։ «Մենք պետք է ապահովենք, որ մրցույթները պատշաճ որակով իրականացվեն։ Պետական վերահսկողական ծառայությունն այստեղ շատ կարևոր անելիք ունի, քանի որ մեր պետության գումարները սահմանափակ են»,- ասաց վարչապետը՝ շեշտելով, որ եթե առկա միջոցները ծախսվեն արդյունավետ, երկրում կլինի այլ իրավիճակ։
Վարչապետը հորդորեց համապատասխան գերատեսչություններին հետևել, թե Կառավարության կողմից հատկացված գումարները որքան են արդյունավետ ծախսվելու՝ բացառելով որևէ կոռուպցիոն ռիսկ։
Տեսանյութն՝ ավելի ուշ։
