07.10.2026 | 13:05
Կառուցապատողներին հիշեցրել են՝ գնման իրավունքի պայմանագրերում սպառողների իրավունքները խախտող պայմաններ չեն կարող լինել
Բելառուսը ՌԴ-ից փոխհատուցում է պահանջել ԲելԱԷԿ-ի գործարկման ուշացման պատճառով
Քաղաքականություն
31.10.2023 | 19:38
Բելառուսը Ռուսաստանի հետ բարձրացրել է ԲելԱԷԿ-ի՝ սահմանվածից ուշ շահագործման հանձնելու պատճառով փոխհատուցում վճարելու հարցը։ Այս մասին հայտնել է Բելառուսի նախագահ Ալեքսանդր Լուկաշենկոն, գրում է ԲԵԼՏԱ-ն:
«Ըստ պայմանագրի՝ մենք նրանց (Ռուսաստան) առաջ բարձրացրել ենք փոխհատուցման հարցը։ Այստեղ ոչ մի արտառոց բան չկա։ Բայց նման հարցեր առաջացան այն պատճառով, որ կայանի գործարկման ժամկետները խախտվել են, և դրա պատասխանատվությունը կրում է ռուսական կողմը»,- ասել է Լուկաշենկոն։
Նա հավելել է, որ Ռուսաստանը Բելառուսին առաջարկել է միջուկային վառելիքի վաճառք «իր կայանների համար» և հինգ տարվա երաշխիք։
Ավելի վաղ Լուկաշենկոն հայտարարել էր, որ բելառուսական ատոմակայանի շինարարությունն ավարտվել է, և կայանն «աշխատում է ամբողջ հզորությամբ»։ Կայանի անվտանգության հարցը, ըստ նրա, առաջին տեղում է։
ԲելԱԷԿ-ի կազմում է երկու էներգաբլոկ՝ 1,2 ԳՎատ հզորությամբ։ Ծրագրի շինարարության մի մասը ծածկվել է 10 միլիարդ դոլարի ՌԴ կառավարության վարկով, որի գլխավոր կապալառուն է «Ռոսատոմ» ԱԷԿ-ը: Առաջին էներգաբլոկը սկսել է գործել 2020 թվականի նոյեմբերին, երկրորդը՝ 2023 թվականի մայիսին։
