15.12.2025 | 16:17
Զելենսկին չի բացառել ՆԱՏՕ-ին անդամակցելուց հրաժարվելու հնարավորությունը, եթե Կիևն անվտանգության երաշխիքներ ստանա
Թուրքիայի ԱԳՆ-ն դատապարտել է Գազայում Իսրայելի կողմից թուրք-պաղեստինյան բարեկամության հիվանդանոցին հարվածը
Քաղաքականություն
31.10.2023 | 15:12
Թուրքիայի ԱԳՆ-ն հայտարարություն է տարածել՝ դատապարտելով Գազայում Իսրայելի կողմից թուրք-պաղեստինյան հիվանդանոցի ռմբակոծումը, գրում է Անադոլու գործակալությունը։
«Մենք խստագույնս դատապարտում ենք հոկտեմբերի 30-ին Գազայում թուրք-պաղեստինյան բարեկամության հիվանդանոցի վրա Իսրայելի հարձակումը։ Չնայած այն հանգամանքին, որ բոլոր անհրաժեշտ տեղեկությունները, այդ թվում՝ Գազայի ուռուցքաբանական միակ հիվանդանոցի կոորդինատները նախապես փոխանցվել են Իսրայելի իշխանություններին, նման հարձակումը ոչ մի կերպ չի կարելի բացատրել»,- ասվում է հայտարարության մեջ։
Նշվում է նաև, որ «պաշարումը և այս անմարդկային հարձակումները, որոնք ուղղված են Գազայի պաղեստինյան բնակչությանն իրենց ամենատարրական իրավունքներից զրկելուն, ակնհայտորեն խախտում են միջազգային իրավունքը»։
«Իսրայելը պետք է դադարեցնի հարձակումները Գազայի բնակիչների վրա»,- նշում է Թուրքիայի ԱԳՆ-ն։
Հավելենք, որ իսրայելական բանակը հրետակոծել է Գազայի հատվածում գտվող միակ ուռուցքաբանական բուժհաստատությունը, որը թուրք-պաղեստինյան բարեկամության հիվանդանոցն է։ Ըստ տեղեկությունների՝ այն մեծ վնասներ է կրել։
Էմմա Չոբանյան
