24.02.2026 | 23:39
Հայաստանի մի շարք հասցեներում էլեկտրաէներգիայի անջատումներ կլինեն
Իսրայելի իշխանություններն իրենց քաղաքացիներին կոչ են արել լքել Կովկասը
Քաղաքականություն
31.10.2023 | 14:33
Իսրայելի Ազգային անվտանգության խորհուրդը (ԱԱԽ) և Արտաքին գործերի նախարարությունը Մախաչկալայում հակասեմական անկարգություններից հետո Հյուսիսային Կովկասում Իսրայելի քաղաքացիներին սպառնացող վտանգի իրենց գնահատականը բարձրացրել են մինչև չորրորդ մակարդակ, ինչը նշանակում է «անմիջական սպառնալիքի բարձր աստիճան»: Այս մասին ասված է գերատեսչությունների համատեղ հայտարարության մեջ, փոխանցում է DW-ի ռուսական ծառայությունը։
Իսրայելի իշխանությունները վտանգի չորրորդ աստիճան են սահմանել Ադիգեայի, Չեչնիայի, Դաղստանի, Ինգուշեթիայի, Կաբարդինո-Բալկարիայի, Կալմիկիայի, Կարաչայ-Չերքեսիայի, Հյուսիսային Օսիայի և Ալանիայի, ինչպես նաև Կրասնոդարի և Ստավրոպոլի երկրամասերի ու Միներալնիե Վոդի քաղաքներում գտնվողների համար։
«Ազգային անվտանգության ծառայությունը և Իսրայելի ԱԳՆ-ն հորդորում են ձեզ մոտ ապագայում խուսափել այդ տարածքներ այցելելուց, իսկ այնտեղ գտնվող իսրայելցիներին՝ հնարավորինս շուտ լքել դրանք»,- կոչ են արել գերատեսչությունները։
