16.05.2026 | 10:16
Հրդեհ Ստեփանավան քաղաքում
Դաղստանում հակահրեական անկարգություններին մասնակցելու համար 83 մարդ է ձերբակալվել
Քաղաքականություն
31.10.2023 | 12:39
Մախաչկալայում հակահրեական անկարգություններին հաջորդած 24 ժամվա ընթացքում ձերբակալվել է 83 անձ։ Այս մասին հայտնել է ՌԴ ՆԳՆ Հյուսիսային Կովկասի դաշնային օկրուգի գլխավոր վարչության մամուլի ծառայությանը, գրում է Meduza-ն։ Երեկ ՆԳՆ-ն հայտնել էր, որ անկարգությունների շուրջ 150 մասնակցի ինքնությունը պարզվել է լուսանկարների և տեսանյութերի հիման վրա։
Ինչպես հայտարարել էր Մախաչկալայի ղեկավար Յուսուփ Ումավովը, «անօրինական գործողությունների մեջ ներգրավվածները հիմնականում 20-25 տարեկան են»։ Ըստ նրա՝ կանխելու համար երիտասարդների ներգրավումը անօրինական գործողություններին քաղաքի յուրաքանչյուր շրջանում ստեղծվել է մեկական աշխատանքային խումբ, որը վերահսկում է սոցիալական ցանցերը և հանդիպում բնակիչների հետ՝ իրազեկման աշխատանքներ իրականացնելու համար։
Հիշեցնենք, որ հոկտեմբերի 29-ի երեկոյան հարյուրավոր մարդիկ հավաքվել էին Մախաչկալայի օդանավակայանում Թել Ավիվ-Մախաչկալա չվերթի ժամանումից առաջ։ Պաղեստինյան դրոշներով և ցուցապաստառներով անձինք փորձել են ուժով ներթափանցել ինքնաթիռ, այնուհետև սկսել են ստուգել մեքենաները, որոնք դուրս են եկել օդանավակայանից՝ փնտրելով Իսրայելից փախստականների, ինչից հետո ցուցարարները ներխուժել են թռիչքուղի։ Անկարգությունների հետևանքով տուժել է ավելի քան 20 մարդ։
