15.09.2026 | 21:59
Սպիտակ էջեր չկան․ պատասխան Հաջիևի հեգնանքին՝ Մատենադարանի բնօրինակով. ՏԵՍԱՆՅՈՒԹ
ԱՄՆ-ը դատապարտում է Դաղստանում հակասեմական անկարգությունները
Քաղաքականություն
31.10.2023 | 11:08
Միացյալ Նահանգները դատապարտել է հակահրեական գործողությունները Դաղստանում, գրում է VOA-ն:
«Մենք կոչ ենք անում Ռուսաստանի իշխանություններին հրապարակայնորեն դատապարտել այս բռնի գործողությունները, պատասխանատվության ենթարկել բոլոր մասնակիցներին և ապահովել իսրայելցիների և հրեաների անվտանգությունը Ռուսաստանում», – ասել է Պետդեպարտամենտի խոսնակ Մեթյու Միլլերը՝ հավելելով, որ ՌԴ ԱԳՆ հայտարարությունները, որոնք առնչվում են Մախաչկալայի օդանավակայանի գրոհի հետ Ուկրաինայի կապին, «աբսուրդային» են։
Հիշեցնենք, որ կիրակի օրը հարյուրավոր մարդիկ ներխուժել էին Մախաչկալայի օդանավակայան և դուրս եկել թռիչքուղի՝ ի նշան բողոքի Թել Ավիվից ինքնաթիռի ժամանման դեմ: Նրանք փորձել են գրոհել Իսրայելից ժամանած ինքնաթիռը։ Ռուսաստանի ՆԳՆ-ն հայտնել էր, որ 60 մարդ է ձերբակալվել, անկարգությունների հետևանքով կան նաև վիրավորներ։
