12.10.2026 | 12:19
Հյուսիսային Կորեան բալիստիկ հրթիռներ է արձակել Ճապոնական ծովի ուղղությամբ
Հարկային արտոնություններ՝ ՊԵԿ նախկին նախագահի որդիներին. ՏԵՍԱՆՅՈՒԹ
Տնտեսություն
25.07.2018 | 19:52
Հուլիսի 26-ի նիստում կառավարությունը միանգամից երկու հարկային արտոնություն է տրամադրում «Գրին ֆարմեր» ՍՊԸ-ին: Ընկերությունը ներդրումներ է անելու գյուղատնտեսության ոլորտում: Կառավարությունն ամեն անգամ երբ հարկային արտոնություն է տալիս, փորձում ենք պարզել՝ արդյո՞ք, այսպես ասած՝ պատահական մարդիկ են արտոնյալները: Պարզվում է՝ ոչ:
Դեռ 2017թ. հուլիսի 20-ի նիստի ժամանակ Կարեն Կարապետյանի կառավարությունն այս ընկերությանը Երասխում ինտենսիվ այգիներ հիմնելու համար տվել էր հարկային արտոնություն: Մամուլն ուսումնասիրել էր և պարզել, որ ընկերության բաժնետոմսերից 34 տոկոսը պատկանում են պետեկամուտների կոմիտեի նախագահ Վարդան Հարությունյանի երկու որդիներին՝ Հենրիկ և Ռուբեն Հարությունյաններին: Իսկ ընկերության 66 % բաժնեմասը պատկանում է Արման Աբրահամյանին:
Դեռ նախորդ տարվա հոկտեմբերի ճեպազրույցում Factor.am- ի հարցին՝ ինչպե՞ս է ստացվում, որ արտոնություններից հաճախ օգտվում են բարձրաստիճան պաշտոնյաների ընտանիքների անդամները կամ մտերիմները, Հարությունյանը հակադարձեց. «Իսկ ո՞վ ասեց, որ պաշտոնյաները իրավունք ունեն, պաշտոնյաների ազգականները իրավունք չունեն: Սահմանափակում կա՞ : Իմ որդիներն այգի են կառուցում, չկառուցե՞ն, էս երկրում ապրելու իրավունք չունե՞ն»:
Իհարկե, իրավունք ունեն, բայց ստացվում է, որ հիմնականում արտոնություններից օգտվում են ներկա ու նախկին պաշտոնյաները:
Մանրամասն՝ տեսանյութում:
Սևակ Հակոբյան
