07.11.2026 | 13:08
Ալիկ Սարգսյանի մարզպետության տարիներին 1480 հա հող է տրամադրվել ձևական մրցույթներով․ Դատախազությունը դիմել է դատարան
Մոլդովայում արգելափակել են ռուսական 14 լրատվական կայքերի հասանելիությունը
Քաղաքականություն
30.10.2023 | 22:14
Լուրեր
07.11.2026 | 11:55
Երևանի կենտրոնում փոշու պարունակությունը հինգ օր գերազանցել է թույլատրելի սահմանը
07.11.2026 | 09:42
Հայաստանը, ԱՄՆ-ն և Ադրբեջանը սկսել են TRIPP-ի տեխնիկական պլանավորման աշխատանքները
Մոլդովան արգելափակել է մի շարք ռուսական կայքերի հասանելիությունն իր տարածքում։ Դա արվել է երկրի հատուկ ծառայության՝ «Տեղեկատվության և անվտանգության դեպարտամենտի» հրահանգով, գրում է Current Time-ը։
Արգելափակվել է 31 ինտերնետային պորտալ, այդ թվում՝ 14 ռուսական մեդիա ռեսուրս, որոնց թվում են ՏԱՍՍ-ը, Մոսկովսկի կոմսոմոլեցը, Ինտերֆաքսը, Ռոսիյսկայա գազետան, Իզվեստիան, ՌԻԱ Ֆան-ը, Սպուտնիկը և այլն։
Մոլդովայի Արտակարգ իրավիճակների հանձնաժողովը դադարեցրել է նաև տեղական վեց հեռուստաալիքների աշխատանքը, որոնք «օտարերկրյա շահեր են առաջ տանում», իր ֆեյսբուքյան էջում հայտնել է վարչապետ Դորին Ռեչանը։
Հեռուստաալիքների թվում են, որոնց լիցենզիաները կասեցվել են, Orizont TV-ն, Prime-ը, Canal 2-ը, Canal 3-ը, Publika TV-ն և ITV Moldova-ն:
«Մոլդովան ենթարկվում է Ռուսաստանի Դաշնության կողմից ամենօրյա հիբրիդային հարձակումների: Վերջին շաբաթների ընթացքում նման սպառնալիքների ինտենսիվությունն աճել է: Ռուսաստանը կազմակերպված հանցավոր խմբերի միջոցով ցանկանում է ազդել տեղական ընտրությունների վրա և խաթարել ժողովրդավարական գործընթացը: Այս հեռուստաալիքները ենթարվում են Պլախոտնյուկի և Շորի հանցավոր խմբավորումներին, որոնք միավորել են ուժերը՝ նպատակ ունենալով ապակայունացնել իրավիճակը Մոլդովայում»,- նշել է Ռեչանը։
