15.09.2026 | 20:21
Քննարկվել են ՀՀ զինված ուժերի և Կանզասի ազգային գվարդիայի միջև գործընկերությանն առնչվող հարցեր
Մախաչկալայի օդանավակայանը վերսկսել է աշխատանքը հակասեմական անկարգություններից հետո
Քաղաքականություն
30.10.2023 | 21:03
Մախաչկալայի օդանավակայանը հոկտեմբերի 30-ին Մոսկվայի ժամանակով 14:00-ից վերսկսել է չվերթների ընդունումն ու մեկնումը։ Այս մասին հայտնում է Ռոսավիացիան, որին վկայակոչում է Meduza-ն։
Այնուամենայնիվ, Azimuth և Red Wings ավիաընկերությունների թռիչքները Թել Ավիվից Միներալնիե Վոդի և Մախաչկալա ժամանակավորապես կիրականացվեն Ռուսաստանի այլ քաղաքներ:
Ռոսավիացիան ավելի վաղ հայտարարել էր, որ օդանավակայանը կբացվի հոկտեմբերի 31-ին՝ անվտանգության մանրակրկիտ ստուգումից հետո։
Նշենք, որ օդանավակայանը փակ էր հոկտեմբերի 29-ի երեկոյից, երբ հարյուրավոր մարդիկ Թել Ավիվից ինքնաթիռի վայրէջք կատարելուց հետո շտապել էին օդանավակայան՝ փնտրելով «Իսրայելից փախստականների»։ Պաղեստինյան դրոշներով և ցուցապաստառներով անձինք փորձել էին ուժով ներթափանցել ինքնաթիռ, այնուհետև սկսել ստուգել մեքենաները, որոնք դուրս էին գալիս օդանավակայանից՝ փնտրելով Իսրայելից փախստականների։
Հակասեմական անկարգությունների արդյունքում տուժել է ավելի քան 20 մարդ։ Իրավապահները հայտնաբերել են անկարգությունների ավելի քան 150 մասնակցի, նրանցից 60-ը ձերբակալվել է։
Էմմա Չոբանյան
