09.08.2026 | 19:36
Խնձորեսկում զբոսաշրջիկներ տեղափոխող մեքենան դուրս է եկել ճանապարհից
Կիպրոսի վերամիավորման շուրջ բանակցություններն անարդյունք են ավարտվել. Գուտերեշ
Քաղաքականություն
07.07.2017 | 11:01
Կիպրոսի վերամիավորման շուրջ բանակցությունները անարդյունք են ավարտվել. այս մասին հայտարարել է ՄԱԿ-ի գլխավոր քարտուղար Անտոնիու Գուտերեշը. տեղեկացնում է Reuters-ը:
«Ցավում եմ, բայց Կիպրոսի հարցով հավաքը փակվեց առանց պայմանավորվածության ձեռքբերման: Բայց դա չի նշանակում, որ կիպրական խնդրի լուծման այլ տարբերակներ չեն կարող մշակվել»,- ասել է Գուտերեշը:
Նշվում է, որ կողմերը չեն կարողացել հաղթահարել խոչընդոտները: Դիվանագետները հայտարարել են, որ Թուրքիան բավարար առաջարկներ չի անում կիպրացի հույներին, որոնք ցանկանում են կղզուց թուրքական զորքերի ամբողջական դուրսբերում, չնայած նրանք էլ հայտարարել են նախագահության ռոտացիայի հարցով Կիպրոսի թուրքական համայնքի հետ փոխզիջման գնալու պատրաստակամության մասին:
