13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
«Գորիս» քրեակատարողական հիմնարկի ծառայողները բացահայտել են արգելված իրերի ներթափանցման երկու դեպք
Հասարակություն
30.10.2023 | 15:46
Հոկտեմբերի 27-ին` ժամը 18:25-ի սահմաններում, Հայաստանի Հանրապետության արդարադատության նախարարության «Գորիս» քրեակատարողական հիմնարկի օպերատիվ բաժնի և հերթապահ խմբի ծառայողները, իրացնելով նախապես ստացված օպերատիվ տեղեկությունները, խուզարկության են ենթարկել հիմնարկ նոր ընդունված դատապարտյալ Է.Խ.-ին․ տեղեկացնում են ՔԿԾ-ից։
Խուզարկության արդյունքում վերջինիս կոշիկի ներբանի տակից հայտնաբերվել են բջջային հեռախոս, 2 բաժանորդային քարտ, ականջակալ և բանկային քարտ:
Է.Խ.-ն խոստովանել է, որ հայտնաբերված իրերը պատկանում են իրեն:
Երկու օր անց` հոկտեմբերի 29-ին` ժամը 07:40-ի սահմաններում, նույն հիմնարկի ծառայողները տեխնիկատնտեսական աշխատանքներ իրականացնող դատապարտյալներին հատկացված տարածքի խոտածածկի վրայից հայտնաբերել են կանաչ փաթեթ, որում առկա է եղել 4 բջջային հեռախոս:
Դեպքերի առթիվ նախապատրաստվել են նյութեր:
