02.11.2024 | 13:09
Նոյեմբերի 1-ին «Երևանի ավտոբուս» ՓԲԸ-ի կողմից հավաքագրվել է 31 678 200 ՀՀ դրամ
ՀԱՄԱՍ-ի զինյալների կողմից առևանգված գերմանացի ուսանողուհի Շանի Լուկը մահացել է
Քաղաքականություն
30.10.2023 | 16:26
ՀԱՄԱՍ-ի զինյալների կողմից առևանգված գերմանացի ուսանողուհի Շանի Լուկը մահացել է։ BBC-ի ռուսական ծառայության փոխանցմամբ՝ այս մասին հայտնել է նրա մայրը։
Կինը գերմանական RTL և NTV հեռուստաալիքներին ասել է, որ դստեր մահվան լուրը ստացել է կիրակի՝ իսրայելցի զինվորականներից։ Իսրայելի ԱԳՆ-ն հաստատել է առևանգված Շանի Լուկի մահը։
22-ամյա Շանի Լուկը Իսրայելի և Գերմանիայի քաղաքացի է։ ՀԱՄԱՍ-ի զինյալները նրան առևանգել էին հոկտեմբերի 7-ին Իսրայելի հարավում երաժշտական փառատոնի վրա հարձակման ժամանակ:
Համացանցում տարածվել է տեսանյութ, որում պատկերված է, թե ինչպես է աղջիկն ուշագնաց պառկած բեռնատարի հետևի հատվածում:
Ավելի վաղ ԶԼՄ-ները, հղում անելով Գազայի աղբյուրներին, հայտնել էին, որ Շանի Լուկը ծանր վիճակում գտնվում է Գազայի հիվանդանոցներից մեկում։
