07.10.2026 | 23:48
Արթուր Դանիելյանը կալանավորվեց
Վաչե Տերտերյանն ընդունել է ՍԱԼԱՐ Ինտերնեշնլի տարածաշրջանային նոր ներկայացուցիչ Հելե Վիլյումսենի պատվիրակությանը
Քաղաքականություն
30.10.2023 | 14:30
ՀՀ ՏԿԵ նախարարի տեղակալ Վաչե Տերտերյանն ընդունել է ՍԱԼԱՐ Ինտերնեշնլի տարածաշրջանային նոր ներկայացուցիչ Հելե Վիլյումսենի պատվիրակությանը, որի կազմում էին ԱԼԱՐ Ինթերնեշնլի տարածաշրջանային նախկին ներկայացուցիչ, ԴեաԼոԳ ծրագրի փորձագետ Իեվա Կալնինան, ՀՀ-ում ԴեաԼոԳ ծրագրի և թիմի ղեկավար Վարսենիկ Մնացականյանը, ԴեաԼոԳ ծրագրի տեղական ինքնակառավարման հարցերով խորհրդատու Գարիկ Խաչիկյանը․ տեղեկացնում են ՏԿԵ նախարարությունից։
Հանդիպմանը կողմերը քննարկել են տարածաշրջանում տիրող ներկա իրավիճակը և ՀՀ համայքներում տեղակայված ԼՂ-ից բռնի տեղահանված մեր հայրենակիցների կարիքները։
ՏԿԵ նախարարի տեղակալը մանրամասն ներկայացրել է տեղահանված քաղաքացիների օժանդակության ծրագրերը, ՀՀ համայնքներում տեղակայելու գործընթացը՝ շեշտելով, որ անելիքներ շատ կան, և պետք է բռնի տեղահանվածների կարիքները գնահատելու և անհատապես հոգալու ճիշտ մեխանիզմներ մշակվեն։ Հետագա անելիքների ու ծրագրերի մասին խոսելով՝ նախարարի տեղակալն ընդգծել է, որ դրանք պետք է լինեն ինստիտուցիոնալ և նպաստեն նաև համայնքների ենթակառուցվածքների զարգացմանը։
Հանդիպման ավարտին կողմերը պայմանավորվածություն են ձեռք բերել քննարկումները շարունակելու վերաբերյալ։
