15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Շոյգուն նախազգուշացրել է Չինաստանին միջուկային տերությունների միջև բախման սպառնալիքի մասին՝ «Ուկրաինային Արևմուտքի աջակցության պատճառով»
Քաղաքականություն
30.10.2023 | 17:39
Արևմուտքը կարող է ուղղակի ռազմական բախում հրահրել միջուկային տերությունների միջև՝ աջակցելով Ուկրաինային Ռուսաստանի հետ առճակատման հարցում։ Այս մասին հայտարարել է ՌԴ պաշտպանության նախարար Սերգեյ Շոյգուն։
«Ռուսաստանի հետ հակամարտության կայուն սրման արևմտյան գիծը կրում է միջուկային տերությունների միջև ուղղակի ռազմական բախման սպառնալիք, որը հղի է աղետալի հետևանքներով»,- ասել է Շոյգուն Պեկինում անցկացվող Սյանշանի անվտանգության 10-րդ ֆորումում, փոխանցում է The Moscow Times-ը:
Նրա խոսքով՝ Միացյալ Նահանգները և ՆԱՏՕ-ն «լրջորեն հույս ունեն, որ կկարողանան խաթարել Ռուսաստանի անվտանգությունը և նրան զրկել դիմադրելու կամքից»։
Չնայած դրան՝ Ռուսաստանը պատրաստ է քաղաքական քննարկումների «ուկրաինական ճգնաժամի հետկոնֆլիկտային հանգուցալուծման» և «առհասարակ Արևմուտքի հետ հետագա համակեցության պարամետրերի» շուրջ», նշել է ՌԴ պաշտպանության նախարարը։
Սակայն այս կարգավորման ընթացքում, նրա խոսքով, անհրաժեշտ է ապահովել հավասար հարաբերություններ միջուկային բոլոր տերությունների՝ ՄԱԿ-ի Անվտանգության խորհրդի մշտական անդամների միջև, «որոնք հատուկ պատասխանատվություն են կրում խաղաղության և գլոբալ կայունության պահպանման համար»:
