15.09.2026 | 18:42
Վահան Բիչախչյանը մոտ է խաղադաշտ վերադառնալուն
Իսրայելը հայտնում է Սիրիայում ռազմական ենթակառուցվածքների ուղղությամբ հարվածների մասին
Քաղաքականություն
30.10.2023 | 12:34
Հոկտեմբերի 29-ին Սիրիայից Իսրայելի վրա հրթիռակոծություններին ի պատասխան՝ Իսրայելի պաշտպանության ուժերը (IDF) հարձակվել են այդ երկրի ռազմական ենթակառուցվածքների վրա։ Այս մասին հաղորդագրություն է տարածել Իսրայելի պաշտպանության բանակի մամուլի ծառայությունը, փոխանցում է DW-ն։ Իսրայելական բանակը ավիահարվածներ էր հասցրել նաև Լիբանանում շիա իսլամիստական «Հեզբոլլահ» խմբավորման ռազմական օբյեկտներին։
Հոկտեմբերի 30-ի գիշերը ՀԱՄԱՍ-ի ռազմական թևը հաստատել է 16 հրթիռների արձակումը Նահարիա քաղաքի ուղղությամբ։ Իսլամիստական «Հեզբոլլահ» շիա խմբավորումը նույնպես հայտնել է Իսրայելի թիրախների հրթիռակոծման մասին:
Իր հերթին իրանական Tasnim գործակալությունը գրել է Հորդանան գետի արևմտյան ափին գտնվող Ջենին քաղաքում իսրայելական բանակի և ՀԱՄԱՍ-ի զինյալների միջև բախումների մասին։
