14.12.2024 | 19:57
Ինչ իրավիճակ է ճանապարհներին 19։35-ի դրությամբ
Գազայում հումանիտար ենթակառուցվածքներին լիակատար փլուզում է սպառնում. ՄԱԿ-ի գլխավոր քարտուղար
Քաղաքականություն
28.10.2023 | 12:18
Գազայի հատվածում հումանիտար ենթակառուցվածքների վիճակը մոտեցել է լիակատար փլուզմանը։ «Արմենպրես»-ի հաղորդմամբ՝ այս մասին հայտարարել է ՄԱԿ-ի գլխավոր քարտուղար Անտոնիու Գուտերեշը։
«Գազայում հումանիտար համակարգը մոտ է լիակատար փլուզմանը՝ ավելի քան 2 մլն խաղաղ բնակիչների համար աներևակայելի հետևանքներով»,-ասել է Գուտերեշը։
ՄԱԿ-ի գլխավոր քարտուղար Անտոնիու Գուտերեշը Իսրայելի ցամաքային գործողությունների ընդլայնման ֆոնին նաև հրադադարի կոչ է արել։
«Կրկնում եմ Մերձավոր Արևելքում հումանիտար հրադադարի, բոլոր պատանդների անվերապահ ազատ արձակման և անհրաժեշտ ծավալով կենսական բեռների առաքման իմ կոչը։ Յուրաքանչյուր ոք պետք է պատասխանատվություն ստանձնի: Եկել է ճշմարտության պահը։ Պատմությունը` մեզ դատավոր»,- գրել է նա։
