18.05.2026 | 19:00
Փաշինյանը չպիտի պրովոկացիաներին տրվի, փայլուն գիտի՝ ՌԴ-ն ինչեր է ծրագրել իր սատելիտ ուժերի միջոցով․ Աղասի Թադևոսյան
Ռոբերտ Քոչարյանը վաղը կներկայանա ՀՔԾ՝ հարցաքննության
Քաղաքականություն
25.07.2018 | 16:55
Հայաստանի երկրորդ նախագահ Ռոբերտ Քոչարյանի հարցաքննության օրը չի փոխվել և Քոչարյանի գրասենյակից երկրորդ նախագահի չներկայանալու մասին նախաքննական մարմնին որևէ տեղեկություն չեն հայտնել: Այդ մասին Factor.am-ին փոխանցեց ՀՔԾ-ի մամուլի խոսնակ Մարինա Օհանջանյանը:
Ռոբերտ Քոչարյանի հարցաքննության հետ կապված այլ մանրամասներ Հատուկ քննչական ծառայության մամուլի խոսնակը չհայտնեց:
Factor.am-ի տեղեկություններով՝ երկրորդ նախագահը վաղը կներկայանա Հատուկ քննչական ծառայություն՝ «Մարտի 1»-ի գործով հարցաքննության:
Փորձեցինք այս տեղեկատվության հետ կապված մեկնաբանություն ստանալ նաև Ռոբերտ Քոչարյանի գրասենյակից, սակայն գրասենյակի ղեկավար Վիկտոր Սողոմոնյանն այդպես էլ մեր զանգերին չպատասխանեց:
Ավելի վաղ, Հատուկ քննչական ծառայության պետ Սասուն Խաչատրյանը ևս Factor.am-ին հայտնել էր՝ հուլիսի 26-ին ՀՀ երկրորդ նախագահ Ռոբերտ Քոչարյանը «Մարտի 1»-ի գործով պետք է ներկայանա Հատուք քննչական ծառայություն՝ հարցաքննության:
