07.10.2026 | 23:48
Արթուր Դանիելյանը կալանավորվեց
ԿԽՄԿ փորձագետների և բժշկական անձնակազմի թիմը մտել է Գազա
Քաղաքականություն
27.10.2023 | 17:35
Կարմիր Խաչի միջազգային կոմիտեի (ԿԽՄԿ) բժշկական անձնակազմի և փորձագետների 10 հոգանոց թիմն այսօր մտել է Գազա։ Այս մասին ասվում է կազմակերպության հայտարարության մեջ, գրում է CNN-ը։
Գազա են ժամանել նաև ԿԽՄԿ-ի վեց բեռնատարներ, որոնք տեղափոխել են անհրաժեշտ բժշկական նյութեր և ջրի մաքրման պարագաներ։
ԿԽՄԿ-ի տարածաշրջանային տնօրեն Ֆաբրիցիո Կարբոնին ասել է, որ դա «փոքր չափով կթուլացնի խնդիրները, բայց բավարար չէ»:
«Անվտանգ, կայուն մարդասիրական հասանելիությունը շտապ անհրաժեշտ է։ Այս հումանիտար աղետը ժամ առ ժամ խորանում է»,- ասել է նա։
ԿԽՄԿ-ի կողմից Գազա ուղարկված մատակարարումների թվում են ռազմական վիրաբուժության համար անհրաժեշտ պարագաներ և սարքավորումներ՝ հակամարտությունների ժամանակ ստացած վերքերը բուժելու համար: Կարմիր խաչը նշում է, որ ունի բավականաչափ սարքավորումներ մի քանի հազար մարդու բուժելու համար՝ կախված նրանց վնասվածքներից։ Ուղարկվել են ջրի մաքրման պարագաներ, որոնք հնարավորություն կտան մաքրել 50,000 լիտր ջուր։
Էմմա Չոբանյան
