15.09.2026 | 18:30
«Դաշնակցական բոլշևիզմ»-ից մինչև «ՀՀՇ-ի ծիլեր». գաղափարախոսական պարադոքս՝ ԱԺ-ում. ՏԵՍԱՆՅՈՒԹ
Իսրայելի պաշտպանության բանակը երկրորդ ցամաքային ռեյդն է անցկացրել Գազայի հատվածում
Քաղաքականություն
27.10.2023 | 21:38
Իսրայելի բանակը, որը նախօրեին տանկերի ներգրացմամբ առաջին ռեյդն էր իրականացրել Գազայի հատվածում, այս գիշեր ևս հետևակ, զրահատեխնիկա ու ինժեներական զորքեր է մտցրել Գազայի տարածք, հաղորդում է Euronews-ը։
Թել Ավիվի տվյալներով՝ գործողության հիմնական մասը տեղի է ունեցել Գազա քաղաքի ծայրամասում գտնվող Շեժեյա շրջանում։ Խոցվել են ՀԱՄԱՍ-ի տասնյակ թիրախներ, այդ թվում՝ հրթիռային կայաններ և զինյալների հրամանատարական կենտրոններ։
Իսրայելի պաշտպանության բանակը նաև պնդում է, որ հրթիռային հարվածի հետևանքով զոհվել է ՀԱՄԱՍ-ի հրամանատարներից Հասան ալ-Աբդալլան, որը ղեկավարել է Իսրայելի դեմ հարձակումները Խան Յունիս քաղաքից։
Ավելի վաղ Իսրայելի վարչապետ Բենիամին Նեթանյահուն հեռուստաուղերձում ասել էր, որ Իսրայելի պաշտպանության ուժերը շարունակում են ցամաքային ներխուժման նախապատրաստությունը, սակայն գործողության մեկնարկի կոնկրետ ժամկետ չի նշել։
