Քաղաքականություն
27.10.2023 | 16:53
Հունաստանի պաշտպանության նախարար Նիկոս Դենդիասը հանդիպել է Աթենքում ՀՀ դեսպան Տիգրան Մկրտչյանի հետ։ Կողմերը քննարկել են պաշտպանության ոլորտում համագործության հարցեր։
«Այսօր ես հանդիպեցի Հայաստանի դեսպան Տիգրան Մկրտչյանի հետ։ Մենք կարևորել ենք Հունաստանի և Հայաստանի միջև ավանդական բարեկամական հարաբերությունները, քննարկել ենք պաշտպանական ոլորտում երկկողմ համագործակցության ընդլայնման հարցը։ Մենք նաև մտքեր ենք փոխանակել ավելի լայն տարածքում անվտանգության իրավիճակի վերաբերյալ»,-գրել է Դենդիասը X-ի իր միկրոբլոգում։
Հիշեցնենք, որ օրերս էլ ՀՀ պաշտպանության նախարար Սուրեն Պապիկյանն ընդունել էր Հայաստանում Հունաստանի դեսպան Էվանգելոս Տուրնակիսին և պաշտպանության հարցերով նորանշանակ կցորդ, գնդապետ Խրիստոս Արսենյուին:
Էմմա Չոբանյան
