07.10.2026 | 23:48
Արթուր Դանիելյանը կալանավորվեց
Չինական և ամերիկյան կործանիչները հազիվ են խուսափել բախումից Հարավչինական ծովում
Քաղաքականություն
27.10.2023 | 18:26
Չինական ռազմական ինքնաթիռը 3 մետր հեռավորության վրա է հայտնվել Հարավչինական ծովի վրայով թռչող ամերիկյան ինքնաթիռից։ Գիշերը երկշարժիչ Shenyang J-11 կործանիչը մոտեցել է ամերիկյան B-52 ռմբակոծիչին, ինչպես ընդգծել է ԱՄՆ հնդխաղաղօվկիանոսյան հրամանատարությունը՝ «չվերահսկվող, չափազանց մեծ արագությամբ ցածր թռչելով և երկու ինքնաթիռները բախման վտանգի ենթարկելով», փոխանցում է Euronews-ը։
Չինաստանի ԱԳՆ-ն դեռևս չի մեկնաբանել այս լուրերը, սակայն մայիսին տեղի ունեցած նմանատիպ միջադեպի ժամանակ մերժել էր Վաշինգտոնի բողոքները՝ պահանջելով դադարեցնել նման թռիչքները Հարավչինական ծովի վրայով։
Պեկինն ավելի ու ավելի է ձգտում հավակնել Հարավչինական ծովի մեծ մասը որպես իր տարածքային ջրեր, սակայն նրա այս դիրքորոշումը մերժվում է Միացյալ Նահանգների և այլ երկրների կողմից, որոնք օգտագործում են օվկիանոսի հսկայական տարածքները նավագնացության համար:
