06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
Ռուսական բանակում կրակում են հրամանը չկատարող զինվորներին․ Սպիտակ տուն
Քաղաքականություն
27.10.2023 | 20:28
Ուկրաինական պատերազմում ռուս զինվորականները գնդակահարում են այն զինվորներին, ովքեր հրաժարվում են կատարել հրամանները։ Euronews-ի փոխանցմամբ՝ այս մասին հայտնում է Սպիտակ տունը։
ԱՄՆ Ազգային անվտանգության խորհրդի խոսնակ Ջոն Քիրբին նշել է, որ սպաները սպառնում են գնդակահարել ամբողջ ստորաբաժանումների, եթե նրանք փորձեն նահանջել ուկրաինական հրետանու ճնշման ներքո։
«Ռուս զինվորականները, կարծես թե, օգտագործում են այն, ինչ նրանք անվանում են «մարդկային ալիքի մարտավարություն», պարզապես մարտի մեջ են նետում վատ պատրաստված զինվորների զանգվածներ՝ առանց համապատասխան տեխնիկայի, առանց ղեկավարության, առանց ռեսուրսների և առանց աջակցության: Զարմանալի չէ, որ նման պայմաններում ռուսական զորքերը տառապում են ցածր բարոյականությունից»,- ասել է նա։
Ռուսական բանակը հատկապես լուրջ կորուստներ է կրում Ավդեևկայի մոտ, ընդգծել է Ջոն Քիրբին։ Ըստ նրա՝ խոսքը «հազարավոր զոհերի» մասին է։
Վաշինգտոնի տվյալներով՝ Ռուսաստանն այս ուղղությամբ կորցրել է առնվազն 125 զրահամեքենա և ավելի քան մեկ գումարտակի այլ տեխնիկա։ Ավելի վաղ Կիևը հայտարարել էր, որ Ավդեևկայի մոտ շուրջ 5 հազար ռուս զինվորական է սպանվել։
