25.11.2024 | 23:15
Միրզոյանը շնորհավորել է Վրաստանի ԱԳ նորանշանակ նախարարին
Իրանի բանակի ցամաքային զորքերը լայնամասշտաբ զորավարժություններ են սկսել
Քաղաքականություն
27.10.2023 | 16:10
Իրանի բանակի ցամաքային ուժերը լայնածավալ զորավարժություններ են սկսել՝ տարբեր զորամասերի մարտունակության գնահատման և նոր զինատեսակների փորձարկման նպատակով, գրում է IRNA գործակալությունը։
Հաղորդվում է, որ Սպահանի Նասրաբադ շրջանում զորավարժությունները մեկնարկել են բարձրաստիճան զինվորականների, այդ թվում՝ Իրանի զինված ուժերի շտաբի պետի տեղակալ բրիգադային գեներալ Ազիզ Նասիրզադեի մասնակցությամբ։
Զորավարժությունների խոսնակը մանրամասներ է ներկայացրել դրանց մասին՝ նշելով, որ մասնակցում են բանակի տարբեր ստորաբաժանումներ, այդ թվում՝ հետևակային, զրահատեխնիկայի, հրթիռային, հրետանու, ավիացիայի, անօդաչու սարքերի, ինչպես նաև էլեկտրոնային, ժամանակակից և կիբերպատերազմի ստորաբաժանումները։
Վարժանքները կենտրոնանում են չորս հիմնական ցուցանիշների վրա՝ արագություն, ճշգրտություն, հետախուզություն և ռազմական տեխնիկան ավտոմատացնելու և ցանցավորելու կարողություն:
Էմմա Չոբանյան
