12.01.2025 | 22:00
Ընտրությունները կեղծվեցին, բայց մենք էլ չպատրաստվեցինք այնպես, ինչպես անհրաժեշտ էր․ Զուրաբիշվիլի
Պեկինն ու Վաշինգտոնը պետք է կայունացնեն հարաբերությունները. Չինաստանի ԱԳ նախարար
Քաղաքականություն
27.10.2023 | 17:15
Չինաստանն ու Միացյալ Նահանգները պետք է աշխատեն իրենց հարաբերություններն արագ վերադարձնել կայուն զարգացման ուղի։ Այս մասին հայտարարել է Չինաստանի արտաքին գործերի նախարար Վան Յին ԱՄՆ պետքարտուղար Անտոնի Բլինքենի հետ հանդիպումից առաջ, փոխանցում է Xinhua-ն։
«Չինաստանի և ԱՄՆ-ի միջև կան թյուրիմացություններ և տարաձայնություններ, բայց, միևնույն ժամանակ, մենք ունենք ընդհանուր շահեր և բախվում ենք ընդհանուր խնդիրների, ուստի մեզ անհրաժեշտ է երկխոսություն»,- ասել է Վան Յին։
Նրա խոսքով՝ չին-ամերիկյան երկխոսությունը պետք է ոչ միայն վերսկսել, այլև խորացնել ու ընդլայնել։
«Դուք հաճախ եք լսում կոշտ հայտարարություններ Չինաստան-ԱՄՆ հարաբերությունների մասին, բայց Չինաստանը դրանք հանգիստ է ընդունում, քանի որ մենք կարծում ենք, որ առանձին կողմի գործողությունների ճիշտ կամ սխալ լինելը որոշվում է ոչ թե նրանով, թե ով ունի ավելի ուժեղ ձեռք կամ ավելի բարձր ձայն, այլ նրանով՝ արդյո՞ք երկիրն իրեն պահում է չին-ամերիկյան կոմյունիկեի երեք ընդհանուր դրույթների, միջազգային իրավունքի, միջազգային հարաբերությունների հիմնարար նորմերի և ժամանակի միտումների համաձայն»,- ասել է նախարարը։
Ըստ նրա՝ նման ջանքերը կօգնեն կայունացնել Չինաստանի և ԱՄՆ-ի հարաբերություններն ու նրանց վերադարձնել «առողջ, ամուր և կայուն զարգացման ուղի»։
Հոկտեմբերի 26-28-ը Վան Յին լինելու է ԱՄՆ, որտեղ բանակցություններ կվարի պետքարտուղար Էնթոնի Բլինքենի և ազգային անվտանգության հարցերով խորհրդական Ջեյք Սալիվանի հետ, ինչը կարող է ճանապարհ հարթել հաջորդ ամիս երկու պետությունների ղեկավարների հանդիպման համար։
