26.06.2026 | 12:10
ՌԴ-ն ամբողջությամբ արգելեց ՀՀ-ից ձկան ներմուծումը // Ալեն Սիմոնյանը շնորհավորել է Ռուբինյանին․ ԼՈՒՐԵՐ
ՀԱՄԱՍ-ը պատանդներին չի ազատի առանց հրադադարի
Քաղաքականություն
27.10.2023 | 15:21
Մոսկվա ժամանած ՀԱՄԱՍ-ի պատվիրակության ներկայացուցիչ Աբու Համիդը «Կոմերսանտ»-ի հետ զրույցում ասել է, որ պատանդներին ազատ չեն արձակի, քանի դեռ հրադադարի շուրջ համաձայնություն չի եղել։
Նրա խոսքով՝ ՀԱՄԱՍ-ը «քաղաքացիական գերիներին» ազատելու մտադրության մասին հայտարարել է պատերազմի առաջին իսկ օրերից, սակայն ժամանակ է պետք՝ գտնելու բոլոր նրանց, ովքեր պատանդ են եղել հոկտեմբերի 7-ին Գազայի հատվածում։
«1948 թվականին օկուպացված տարածքներ են մտել հարյուրավոր քաղաքացիական և տասնյակ տարբեր պաղեստինյան խմբավորումների զինյալներ, Իսրայելի «Գազա» ստորաբաժանման անկումից հետո էլ նրանք գերեվարեցին տասնյակ մարդկանց, որոնց մեծ մասը՝ խաղաղ բնակիչներ, և մեզ ժամանակ է պետք՝ Գազայում նրանց գտնելու, իսկ հետո ազատ արձակելու համար»,- ասել է ՀԱՄԱՍ-ի ներկայացուցիչը։
Նա նաև նշել է, որ այս խնդիրը լուծելու համար անհրաժեշտ է հանգիստ միջավայր:
«Իսրայելական ռմբակոծությունը մինչ այժմ սպանել է 50 բանտարկյալի»,- պնդում է նա։
Իսրայելն ավելի վաղ քննադատել էր Մոսկվային ՀԱՄԱՍ-ի պատվիրակությանը հյուրընկալելու համար՝ մեկ օր անց այն բանից հետո, երբ Ռուսաստանը վետո դրեց ՄԱԿ-ի Անվտանգության խորհրդի բանաձևի վրա, որը դատապարտում էր ՀԱՄԱՍ-ի հոկտեմբերի 7-ի հարձակումը:
