02.11.2024 | 15:05
«Գոյ» թատրոնը կվերսկսի իր բնականոն աշխատանքը
Բայդենը նախազգուշացնող ուղերձով դիմել է Իրանի ղեկավարին
Քաղաքականություն
27.10.2023 | 15:01
ԱՄՆ նախագահ Ջո Բայդենը զգուշացրել է Թեհրանին զերծ մնալ Մերձավոր Արևելքում ամերիկյան զորքերի վրա հարձակումներից՝ Իրանի գերագույն առաջնորդ այաթոլլա Ալի Խամենեիին ուղղված հազվագյուտ անձնական ուղերձում, գրում է BBC-ի ռուսական ծառայությունը։
«Նրան ուղիղ ուղերձ է ուղղվել»,- ճեպազրույցի ժամանակ ասել է Սպիտակ տան ռազմավարական հաղորդակցությունների համակարգող Ջոն Կիրբին։
Նա չի նշել, թե կոնկրետ ինչպես է փոխանցվել ուղերձը և ինչ այլ մանրամասներ է այն պարունակել։
Հասկանալի չէ՝ արդյո՞ք Բայդենի նախազգուշացումը վերաբերում է միայն տարածաշրջանում ամերիկյան զորքերի վրա հարձակումներին, թե՞ Իսրայելին Իրանի հնարավոր ուղղակի հարվածներին ևս:
Ավելի վաղ Իրանի արտգործնախարարը քողարկված սպառնալիքներ էր հնչեցրել Իսրայելի և ԱՄՆ-ի հասցեին։
«Ես անկեղծորեն կասեմ ամերիկյան պետական գործիչներին, ովքեր այժմ ղեկավարում են Պաղեստինի ցեղասպանությունը․ մենք չենք ողջունում պատերազմի ընդլայնումը տարածաշրջանում։ Բայց եթե Գազայում ցեղասպանությունը շարունակվի, ապա այս բոցը նրանց ևս չի խնայի»,- ասել է Հոսեյն Ամիր Աբդոլլահիանը՝ ելույթ ունենալով ՄԱԿ-ի Գլխավոր վեհաժողովում:
