27.02.2026 | 23:31
Ստեփանծմինդա-Լարս ավտոճանապարհը փակ է
Զախարովան արձագանքել է Նիկոլ Փաշինյանի՝ The Wall Street Journal-ին տված հարցազրույցին
Քաղաքականություն
26.10.2023 | 19:21
ՌԴ ԱԳՆ պաշտոնական ներկայացուցիչ Մարիա Զախարովան մեկնաբանել է ՀՀ վարչապետ Նիկոլ Փաշինյանի հարցազրույցը The Wall Street Journal-ին։
«Մենք տեսնում ենք, թե ինչպես են արևմտյան լրատվամիջոցները հարձակվում պաշտոնական Երևանի ներկայացուցիչների վրա՝ նրանցից քաղելով սադրիչ հարցերի պատասխանները, և տեսնում ենք, որ այդ հարցերը նպատակ ունեն առավելագույն վնաս հասցնել Մոսկվայի և Երևանի բազմաբնույթ կապերին»,- ասել է Զախարովան՝ սա սադրիչ գործողություններ որակելով։
Հարցազրույցում, ըստ նրա, փորձ է արվում նսեմացնել Ռուսաստանի հետ Հայաստանի կապերի նշանակությունը, նսեմացնել ռուս զինվորականների, սահմանապահների դերը հանրապետությունում, հիասթափություն է հայտնվել ՀԱՊԿ-ից, ռուս խաղաղապահներից։
Զախարովան իր խոսքերը փորձել է հիմնավորել փաստերով, ինչպիսին է, օրինակ, վերջին տարիներին ՀՀ տնտեսության աճը, ինչը, ըստ ՌԴ ԱԳՆ ներկայացուցչի, պայմանավորված է Ռուսաստանի հետ Հայաստանի սերտ համագործակցությամբ։
