20.12.2025 | 17:32
Եղեգնաձորի տներից մեկում և ավտոտնակում հրդեհ է բռնկվել
Մարդասիրական օգնություն տեղափոխող 12 բեռնատարներ Գազա են մտել
Քաղաքականություն
26.10.2023 | 17:51
Պաղեստինյան Կարմիր մահիկի ընկերությունը հայտնել է, որ այսօր 12 բեռնատարներ Եգիպտոսից Ռաֆահ սահմանային անցակետով հատել են Գազայի հատվածի սահմանը։ Բեռնատարները Գազայի բնակչությանը մատակարարել են ջուր, սնունդ և դեղորայք, բայց ոչ վառելիք՝ Իսրայելի արգելքի պատճառով, գրում է BBC-ի ռուսական ծառայությունը:
Ավելի վաղ Առողջապահության համաշխարհային կազմակերպությունը հրապարակել է դեղերի և սարքավորումների ցանկ, որը հավաքվել է, բայց դեռ չի ուղարկվել կարիքավորներին։ ԱՀԿ-ի տվյալներով՝ հավաքված օգնությամբ բեռնատարները կանգնած են Գազայի հատվածի և Եգիպտոսի սահմանին ու սպասում են մուտքի թույլտվության։
Խոսքը 3,7 հազար վիրավոր հիվանդների համար վիրաբուժական սարքավորումների, քրոնիկ հիվանդություններով տառապող 20 հազար հիվանդների բժշկական սարքավորումների, ինչպես նաև 110 հազար մարդու համար տարրական բժշկական ծառայություններ մատուցելու համար նախատեսված նյութերի մասին է։
ԱՀԿ-ն կոչ է անում «անհապաղ և անխափան մուտք ապահովել Գազա ու դրանից դուրս», որպեսզի կարողանա աջակցել տարածաշրջանում «պայքարող առողջապահական համակարգին»:
Վերջին օրերին թույլատրվել է մարդասիրական օգնությամբ տասնյակ բեռնատարների մուտքը Գազայի հատված «Ռաֆահ» սահմանային անցակետով, սակայն միջազգային կազմակերպությունները նշում են, որ օրական առնվազն 100 բեռնատար է անհրաժեշտ։
