15.09.2026 | 18:42
Վահան Բիչախչյանը մոտ է խաղադաշտ վերադառնալուն
Սլովակիան դադարեցնում է Ուկրաինային ռազմական օգնության տրամադրումը
Քաղաքականություն
26.10.2023 | 17:09
Սլովակիան այլևս ռազմական օգնություն չի ցուցաբերի Ուկրաինային։ Այս մասին հայտարարել է երկրի նոր վարչապետ Ռոբերտ Ֆիցոն՝ Բրյուսելում առաջնորդների գագաթնաժողովից առաջ ելույթ ունենալով Եվրոպական հարցերի խորհրդարանական հանձնաժողովի անդամների առաջ, գրում է Euronews-ը։
«Մենք Ուկրաինային մարդասիրական և քաղաքացիական օգնություն կտրամադրենք․ սա կլինի իմ կառավարության պաշտոնական քաղաքականությունը: Մենք Ուկրաինային զենք չենք մատակարարի»,- ասել է Ֆիցոն:
Ավելի վաղ նա նշել էր, որ ռազմական օգնությունը միայն երկարացնում է հակամարտությունը և խաղաղ բնակիչների տառապանքը։ Նրա խոսքով՝ այժմ պետք է ամբողջ ուժերը ներդնել խաղաղ գործընթացի համար։
Կիևին ռազմական աջակցության դադարեցումը Ֆիցոյի նախընտրական խոստումներից մեկն էր, որի «Կուրս-Սոցիալ դեմոկրատիա» կուսակցությունը հաղթեց վերջին խորհրդարանական ընտրություններում։
Նախօրեին Ռոբերտ Ֆիցոն պաշտոնապես ստանձնել է Սլովակիայի վարչապետի պաշտոնը։
