15.09.2026 | 18:03
«Քրոջս հաշվին եք ուզում «հողեր հետ բերել», որը զոհվել է 2022-ին՝ ծառայության ընթացքում»․ Ալխաս Ղազարյան․ ՏԵՍԱՆՅՈՒԹ
ԵՄ առաջնորդները հումանիտար միջանցքներ ստեղծելու և Իսրայել-ՀԱՄԱՍ ռազմական գործողություններում դադարի կոչ են անելու
Քաղաքականություն
26.10.2023 | 19:54
Եվրամիության առաջնորդները կոչ են անելու հումանիտար միջանցքներ ստեղծել և ռազմական գործողություններում դադար ապարովել՝ Գազայի հատվածին անհրաժեշտ օգնություն հասցնելու համար։ Այս մասին գրում է Reuters-ը՝ վկայակոչելով բանաձևի նախագիծը, որը դեռևս պետք է հաստատվի այսօր Բրյուսելում կայանալիք գագաթնաժողովում, փոխանցում է BBC-ի ռուսական ծառայությունը։
Անցած շաբաթների ընթացքում Եվրամիության երկրները հակասական հայտարարություններ են արել՝ փորձելով արտահայտել իրենց դիրքորոշումը Իսրայել-ՀԱՄԱՍ պատերազմի վերաբերյալ: Գերմանիան, Ավստրիան, Հունգարիան և Չեխիան անվերապահ աջակցություն են հայտնել Իսրայելին, իսկ Իսպանիան և Իռլանդիան հանդես են եկել նաև ի պաշտպանություն պաղեստինցիների։ Բրյուսելում կայանալիք գագաթնաժողովը նախատեսվում է համաձայնեցնել ԵՄ անդամների ընդհանուր դիրքորոշումը։
«Եվրոպական խորհուրդն իր խորը մտահոգությունն է հայտնում Գազայի հատվածում հումանիտար իրավիճակի վատթարացման կապակցությամբ և կոչ է անում շարունակել մշտական, անվտանգ և անարգել մարդասիրական մուտքն ու օգնությունը կարիքավորներին բոլոր անհրաժեշտ միջոցներով, ներառյալ՝ հումանիտար միջանցքները և գործողություններում դադարները»,- ասվում է փաստաթղթում։
Նշվում է, որ «ԵՄ-ն սերտ համագործակցելու է տարածաշրջանում գործընկերների հետ քաղաքացիական բնակչության պաշտպանության, օգնություն տրամադրման և սննդի, ջրի, բժշկական օգնության, վառելիքի և ապաստանի հասանելիությունը հեշտացնելու համար՝ երաշխավորելով, որ ահաբեկչական կազմակերպությունները չչարաշահեն նման օգնությունը։
Էմմա Չոբանյան
